2024 оны 8 сарын 7,8-ны өдрүүдэд Хөвсгөл аймгийн Цэцэрлэг сумд байрлах Могойн бага сургуулийн 50, 51 жилийн ойн баяр тохиосон ба уг ойн арга хэмжээд “Хургатай Хайрхан” ХХК оролцож, сургуулийн захиргаанд сурагчдын хоол хүнсийг эрүүл таатай орчинд хадгалах шилэн хөргөгч болон шарах шүүгээ зэргийг хандивлалаа. Уг сургууль нь дотуур байрандаа 20-25 хүүхэд, хичээлийн танхимдаа нийт 70-80 хүүхдийн багтаамжтай ба сургуулийн гал тогоо нийт сурагчдад үдийн цайгаар ханган ажилладаг байна. Сургуулийн захиргааны зүгээс хөргөгч, шарах шүүгээтэй болсноор өдөр бүр талх, гурилан бүтээгдэхүүнээ шинээр нь гаргах, олон тооны хүнсний ногоо, бүтээгдэхүүн зэргийг стандартын нөхцөлд эрүүл, аюулгүй хадгалах боломжийг олгосонд талархан хүлээн авлаа.

 

Могойн бага сургууль нь сүүлийн 50 гаруй жилийн турш “Могойн Гол ХК” нүүрсний уурхайн ойр орчимд суурьших Цэцэрлэг сумын 3,4,7-р багийн ард иргэдийн хүүхдүүдэд боловсрол олгож, хувь хүний хөгжил зэргийг дэмжсээр ирсэн ба Хургатай Хайрхан ХХК нь энэхүү суурин дээр тулгуурлан, орон нутгийн хүүхдүүдийн хөгжил дэвшилд дэмжлэг үзүүлэн, хамтран ажиллахаар зорьж байна.