2024 оны 08 сарын 10-ны өдөр “Хургатай Хайрхан” ХХК-ны удирдлагын баг Цэцэрлэг сумын ажилтнуудыг Овоотын хайгуулын баазад хүлээн авч, өдөрлөг зохион байгууллаа. Уг арга хэмжээгээр ажилтнуудад компанийн үйл ажиллагааны талаарх сүүлийн үеийн мэдээллийг хүргэх, компанийн төлөвлөгөөг хэрэгжүүлэхэд оруулсан ажилтнуудыг хувь нэмрийг нь үнэлж, Овоот төслийн хэрэгжилт, бүс нутагт үзүүлэх үр өгөөжийн талаар ярилцах зорилготой байв. Мөн “Хургатай Хайрхан” ХХК удирдлагын багийнхан нийт ажилтнуудад төслийн явц, төлөвлөгөөний талаар дэлгэрэнгүй мэдээлэл өгсөн ба үүний хүрээнд ажилтнууд төслийн талаар нэмэлт асуулт асууж, өөрсдийн санал бодлоо хуваалцах боломжийг олгосоноороо онцлог арга хэмжээ боллоо.

Үйл явдлын дараа орон нутгийн ажилтнууд Овоот төслийг хөгжүүлэхэд сайн үр дүн гарч байгааг ойлгон баяртай байсан бөгөөд төслийг хэрэгжүүлснээс үүдэн нийгэмд үзүүлэх эерэг нөлөө удахгүй мэдрэгдэх болно гэж үзэж байна. Ийнхүү орон нутгийн мэдээллийн ажилтнууд маань Цэцэрлэг сумын ард иргэдэд шинэ соргог мэдээ, мэдээллийг дамжуулахдаа баяртай байгаад зогсохгүй цаашлаад байнгын тогтмол мэдээллийг хэрхэн солилцож байх тухай нээлттэй ярилцлаа.