“ХУРГАТАЙ ХАЙРХАН” ХХК ХӨВСГӨЛ АЙМГИЙН ҮНДЭСНИЙ ШАГАЙН ХАРВААН АВАРГА ШАЛГАРУУЛАХ ТЭМЦЭЭНИЙГ ИВЭЭН ТЭТГЭН АЖИЛЛАА
Монгол Улсад биеийн тамир спортын холбоо үүсгэн байгуулагдсаны 100 жилийн ой Хөвсгөл аймгийн “Үндэсний шагайн харваан аварга” шалгаруулах тэмцээн Хөвсгөл аймгийн Мөрөн хотноо 2024 оны 04 сарын 27, 28-ны өдрүүдэд амжилттай зохион байгуулагдлаа. Тэмцээнд 24 багийн 200 гаруй харваачид багийн, хувийн болон ахмадын цуваа гэсэн гурван ангилалд 35 медалийн төлөө цэц мэргэнээ сорин өрсөлдлөө. Тус тэмцээний ерөнхий зохион байгуулагчаар Хөвсгөл аймгийн шагайн харвааны салбар холбоо , хамтран зохион байгуулагчаар Хөвсгөл аймгийн Засаг даргын тамгын газар болон Хөвсгөл аймгийн Биеийн тамир спортын газар ажиллаа.
Тэмцээний ерөнхий ивээн тэтгэгчээр “Хургатай Хайрхан” ХХК, мэдээллийн спонсороор Мөрөн ТВ спорт лайвын хамт олон хамтран ажиллав.
Багийн харвааны төрөлд ялагчаар:
- Хөвсгөл аймгийн Жаргалант сумын залуу харваач Г.Халтар ахлагчтай “Өндөр Хайрхан” баг
- Хөвсгөл аймгийн Мөрөн сумын харьяат Аймгийн гоц мэргэн Ж.Аривжих ахлагчтай “Орхон дэвшил Уухай баг”
- Хөвсгөл аймгийн Рашаант сумын Харьяат Өвөрхангай аймгийн уугуул Монгол улсын мэргэн Б.Мөнхнасан ахлагчтай “Мөнх хүсэл од” ХХК баг
- Хөвсгөл аймгийн Шинэ-Идэр сумын харьяат Аймгийн Хошой мэргэн Д.Цогтгэрэл ахлагчтай “Шинэ Идэр” баг тус тус шалгарлаа.
Хувийн цуваа харвааны төрөлд ялагчаар:
- Хөвсгөл аймгийн Тариалан сумын харьяат Уул өвгөд багийн залуу харваач Л.Билгүүнтулга
- Булган аймгийн харьяат Аймгийн гоц мэргэн Булган багийн харваач Г.Ариунболд
- Говь Алтай аймгийн харьяат Өндөр Хайрхан багийн харваач Аймгийн гоц мэргэн Ү.Ууганзориг
- Хөвсгөл аймгийн Чандмань-Өндөр сумын харьяат Үүр хайрхан багийн харваач Т.Ариунбаяр
- Булган аймгийн харьяат Булган багийн харваач н.Алтантөгс нар шалгарч Алт, мөнгө, хүрэл медаль өргөмжлөл мөнгөн шагнал хүртлээ
Ахмадын цуваа харвааны төрөлд ялагчаар:
- Хөвсгөл аймгийн Эрдэнэбулган сумын харьяат Мөнх өсөн нэмэх ХХК багийн харваач Монгол улсын Дархан мэргэн Г.Лхагвасүрэн
- Хөвсгөл аймгийн Галт сумын уугуул “Цахиур” багийн харваач Б.Цагаанхүү
- Хөвсгөл аймгийн Арбулаг сумын уугуул Цагаанчулуут багийн харваач Монгол улсын хүндэт харваач Аймгийн гоц мэргэн Т.Лхагвадулам
- Хөвсгөл аймгийн Бүрэнтогтох сумын уугуул “Баянцалуу” багийн харваач Монгол улсын хүндэт харваач Аймгийн гоц мэргэн Л.Отгонбаяр
- Хөвсгөл аймгийн Эрдэнэбулган сумын харьяат н.Лхагвасүрэн нар шалгарч Алт, мөнгө, хүрэл медаль өргөмжлөл мөнгөн шагнал хүртлээ.
Манай компани Хөвсгөл аймаг болон хойд бүсийн иргэдийн соёл, боловсрол, спортын үйл ажиллагааг дэмжиж, нутгийн иргэдийн эрүүл мэнд, аз жаргалын төлөө хөрөнгө оруулалт хийсээр ирсэн ба цаашид ч энэ чиглэлээр олон ажлуудыг хийхээр төлөвлөж байна.
