“ХУРГАТАЙ ХАЙРХАН” ХХК ТАЕКВОНДОГИЙН УЛСЫН АВАРГА ШАЛГАРУУЛАХ ТЭМЦЭЭНИЙГ ДЭМЖИН АЖИЛЛАА
“Хөвсгөл Цом – 4” нэрэмжит тэмцээн болон Өсвөр үе Залуучуудын УАШТ-ийг 2024.03.31-с 04.03-ны өдрүүдэд зохион байгуулж “Хургатай Хайрхан” ХХК ивээн тэтгэгч байгууллагаар оролцлоо. “Хөвсгөл Цом – 4” тэмцээнд 34 байгууллагын 500 орчим тамирчид хурд хүч авхаалж самбаагаа шалгалаа.
Өсвөрийн Шигшээ багаас нийт 47 тамирчин оролцож тэмцээний эмэгтэй шилдэг тамирчнаар Өсвөрийн Шигшээ багийн тамирчин О.Сондор шалгарч, Өсвөрийн Шигшээ баг 2 дугаар байранд шалгарлаа.
Мөн “Хургатай Хайрхан” ХХК-ийн зүгээс “Хүчит Шонхор” клубт 100 ширхэг дэвжээ иж бүрэн хамгаалалт хэрэгсэл гардуулан өгсөн ба тэмцээний шүүгч, дасгалжуулагч ажлын хэсгийн хүний байр хоолны зардал, тэмцээний дараах хүлээн авалтын зардлыг тус бүрийг ивээн тэтгэж хамтран зохион байгууллаа.
“Хургатай Хайрхан” ХХК нь спортын төрөл бүрийн үйл ажиллагааг дэмжин ажилладаг ба үүний нэг болох таеквондогийн төрөлд хамтын ажиллагааг дэмжин ажилласны үр дүнд Паралимп “Парис-2024” наадамд ОУХМ У.Сүрэнжав пара таеквондогийн эмэгтэйчүүдийн -52 кг жингийн К44 ангилалд алтан медаль, МУГТ Г.Болор-Эрдэнэ пара таеквондогийн эрэгтэйчүүдийн -63 кг жингийн К44 ангилалд мөнгөн медаль, хүртэж Монгол Улсынхаа төрийн далбааг Парисын тэнгэрт мандуулсанд бид баяртай байна.
